Mae Gwasanaeth AHNE Llŷn yn cynnal Cystadleuaeth Ffotograffiaeth unwaith eto eleni!
Y themau y tro hwn fydd “Mwynhau’r AHNE”.
Gall lluniau amrywio o rywun yn cerdded y Llwybr Arfordirol, trochi yn y môr neu gaiacio. Neu beth am gi anwes yn chwarae ar y traeth, anifeiliaid fferm yn pori’n braf – neu greaduriaid gwyllt yn eu cynefin?
Dyma'r gwobrau gwych sydd i’w cael:-
1af - Dwy noson yn Glampio Coed, Rhoshirwaun (a’r llun i ymddangos ar glawr rhifyn 2020 o newyddlen yr AHNE – Llygad Llŷn)
2ail -Tocyn Anrheg Oriel Tonnau, Pwllheli (£75)
3ydd -Tocyn Anrheg Cwt Tatws, Towyn, Tudweiliog (£50)
Bydd yr enillwyr – a’r sawl fydd yn derbyn cymeradwyaeth uchel yn derbyn copi o’u lluniau wedi eu fframio. Dylai lluniau fod wedi eu tynnu o fewn yr AHNE (map i’w weld ar y wefan hon) ac mae rheolau cystadlu pellach hefyd – gweler isod.
Rheolau Cystadlu
Lluniau i’w cyflwyno drwy e-bost at ahnellynaonb@gwynedd.llyw.cymru
Lluniau i’w cyflwyno o gydraniad uchel (high-resolution) er mwyn gallu defnyddio ar glawr ein newyddlen
Rhaid cyflwyno eich enw, cyfeiriad, oed, rhif ffôn a manylion e-bost os am gystadlu. Bydd y Gwasanaeth AHNE ond yn defnyddio’r wybodaeth wrth weinyddu y gystadleuaeth hon – ac ni fyddwn yn eu cyhoeddi na’u rhannu gyda neb heb eich caniatâd.
Uchafswm o dri llun gan bob ymgeisydd
Ar bob llun – bydd angen teitl, lleoliad a disgrifiad pellach pe dymunwch
Cystadleuaeth yn agored i breswylwyr y DU yn unig
Drwy gyflwyno eich lluniau i Wasanaeth AHNE Llŷn, rydych yn cytuno i roi caniatâd yn rhad ac am ddim i gael cyhoeddi y lluniau ar y wê a thrwy unrhyw gyfrwng cymdeithasol arall – ac i’ch enw gael ei gyhoeddi gyda’ch llun(iau).
Rhaid i bob llun fod yn waith gwreiddiol yr ymgeisydd heb fod yn groes i unrhyw hawlfraint.
Os yw eich llun yn cynnwys person a ellir ei adnabod, rhaid cynnwys caniatâd ysgrifenedig y person hwnnw (rhiant neu warchodwr os yw’r person o dan 16).
Bydd penderfyniad y beirniad yn derfynol
Os nad oes modd cael gafael ar ymgeisydd llwyddiannus ar ôl sawl ymgais rhesymol – bydd y Gwasanaeth AHNE yn cadw’r hawl i gynnig y wobr i’r enillydd nesaf ato.
Nid yw’r gystadleuaeth hon yn agored i unrhyw un sydd yn gysylltiedig â threfnu’r gystadleuaeth hon, nac aelodau agos o’u teuluoedd.
Mae’r Gwasanaeth AHNE yn cadw’r hawl i ddiarddel unrhyw ymgais sydd yn groes i’r rheolau uchod ac atal gwobr os credir nad yw ymgais yn cyrraedd y safon gofynol.
Dyddiad Cau – 5 o’r Gloch, Dydd Gwener, Hydref 25ain 2019 - Rhowch gynnig arni, a phob lwc!